Tuesday 28 August 2012

မင်းအနားလေးမှာပဲ


အရင်လိုသတိရတိုင်း
ရင်ဘတ်ထဲပြန်ဝင်ခွေနေလို့မှမဖြစ်တော့တာ
တချက်လွမ်းတိုင်းနင့်နာမည်ကို
တခါအော်ခေါ်နေမိတာ
တံတွေးတွေတောင်ခြစ်ခြစ်တောက်ပူနေပြီ

နင့်အတွက်ပန်းမိုးတွေရွာချပေးချင်လို့
အလိုမတူပေမယ့်..
ကန်တော်ကြီးကို သာဓုကန်ဘုရားကို
ဒဂုံ (၁) ကျောင်းကို  ယောက်လမ်းကို
စိန်ရောင်ခြည်ဘုရားကို ဘုရားလမ်းဘူတာလေးကို
တောင်မြောက်လမ်းဆုံကဘုရားကို ucsy ကို
ငါခဏမေ့လိုက်တယ်.....

တဘ၀လုံးစာအတွက် တခဏလောက်ဆွံ့အချင်ယောင်ဆောင်နေတာတောင်မှ
နင်နဲ့စကားပြောဖြစ်တဲ့ညတွေဆို
ငါ့ဖုန်းထဲကနင့်ဓါတ်ပုံလေးတွေဆီ လွှားခနဲ လွှားခနဲ
ပြေးပြေးသွားမိတုန်း...

အချစ်တွေရေညှိတက်သွားပြီဆိုပြီး
ဟန်ဆောင်စိတ်မကောက်ပါနဲ့
အတိတ်နေ့တွေကို နာကျင်ဆွံ့ပျံ့ရလွန်းလို့
သုညလိုလို စက်ဝိုင်းလိုလိုနဲ့
ငါ့ကိုငါတောင် ဘာကောင်မှန်းမသိတော့ဘူး...

မခင်ချင်ယောင်ဆောင်တတ်တဲ့ ကြယ်မလေးကိုမှ
ငါကကောင်းကင်ဖြစ်ဖြစ်ပြချင်မိတာကို
ရင်ခုန်သံတွေ ဈေးကြီးလည်းကြီးပေ့ါ..
ချည်နှောင်မျက်ဝန်းလေးရှေ့မှာပဲ
ရာဇ၀င်အထပ်ထပ်ထိ ကျောက်ချရပ်တန့်ချင်မိပါတယ်...။







Saturday 18 August 2012

' မ ' အတွက်ကဗျာ

နေ၀င်ခါနီးညနေခင်းထဲက
မှိန်ဖျော့ဖျော့အလင်းတွေကိုဆွဲထုတ်
ကိုယ့်ဖာသာကိုပဲ မိုးချုပ်လိုက်ကြမယ်..

လေညင်းကလေးရယ်
' မ '..နဲ့ဝေးရတော့မယ့်.
အခိုက်အတန့်ငယ်လေးမှာ
' မ '..ဆံနွယ်တွေလွင့်ဝဲနေတာလေး
ငေးကြည့်နေချင်သေးလို့
' မ '..ဆံနွယ်တွေပေါ်ကို..ထိခတ်ရုံလေး
သာသာဖျော့ဖျော့..တိုက်ခတ်ပေးပါလား...

နတ်ဘုရားတွေဖန်ဆင်းတဲ့
မီးခိုးငွေ့တွေမှာ..ကျွန်တော်တို့ဆုံနိုင်ခွင့်ကေ၀၀ါး
အဆုံးအစမရှိတဲ့မြစ်တစင်းကကန့်လန့်ဖြတ်တားတယ်...

ပန်သူမဲ့တော့မယ့်မြတ်လေးပန်းတွေလည်း
အိမ်ရှေ့မှာ သိမ်ငယ်ညိုးလျော်လို့
ဖြစ်နိုင်ရင်အဲဒီဝေးကွားခြင်းကို
လက်နှစ်ဖက်ဖြန့်ကား တားချင်သေးတယ်..

ကောင်းကင်အလင်းတွေတိုးဆုတ်ဖျော့လျော့လို့
ကျွန်တော်တို့ရဲ့ဘ၀တွေကလည်း
မှင်ရည်ကျဲကျဲ သုတ်လိမ်းထားတဲ့စုတ်တံတစ်ခုလို
ဘာစာလုံးမှမပြီပြင်တော့ပါဘူး..



                ( ၂ )



အခန်းကျဉ်းလေးထဲက
လွမ်းရတဲ့ ညတွေအကြောင်း
' မ '..ကိုပြောပြချင်တယ်..

' မ '..ရဲ့မျက်လုံးဝိုင်းလေးတွေက
စူးမြလင်းပလွန်းတဲ့ မီးတောက်ကြယ်လေးတွေလား
အဲဒီမီးတောက်ကြယ်လေးကို ထိခတ်ရုံလေးနမ်းတော့
မလွမ်းတတ်သေးတဲ့ရင်ခုန်သံတွေ
ပူလောင်ဆွတ်ပြစွာ..တဒိတ်ဒိတ်ခုန်တယ်..

ခူးဆွတ်ခွင့်မရတော့မယ့် ညရိပ်နှင်းဆီရယ်
ကျွန်တော့်ကို အညတရမိုးရေတွေထဲမှာ
နှုတ်ခမ်းတွေ သွေ့ခြောက်ဆွံ့အတဲ့အထိ
သီချင်းတွေဆိုနေခွင့်တော့ပေးပါ...

' မ '..ပြန်မလာတော့မယ့်လမ်းကို
မြတ်လေးပန်းတွေခူးဆွတ်လို့
စောင့်ကြိုနေပါရစေဦးနော်...

' မ '..ကိုသယ်ဆောင်သွားတဲ့
လေယာဉ်ပျံကြီးရယ်..
အတောင်ပံတွေရုတ်သိမ်း..
ငါရှင်သန်ရာမြေပြင်ပေါ်ကို
' မ ' ကိုပြန်လည်သယ်ဆောင်ပေးပါလား...

ချစ်တဲ့သူအတွက်
ပေးဆပ်ရတာပျော်ဖို့ကောင်းပေမယ့်
အလွမ်းတွေနဲ့မျက်နှာသစ်သစ်နေရမှာတော့
ကျွန်တော်မ၀ံ့ရဲလို့ပါ..
 


                ( ၃ )


' မ '...ကိုကျွန်တော်က
ချစ်တယ်လို့ပြောတုန်းက
' မ '..ကရှက်တယ်ဆိုပြီး
ခေါင်းလေးငုံ့သွားခဲ့ဖူးတယ်..

' မ '..ကိုကျွန်တော်ကအမြဲတမ်းချစ်ခင်ပါ့မယ်လို့
ကတိပေးတုန်းက
' မ '..ကကျွန်တော့်ကိုအမြဲတမ်းအပြစ်မမြင်ဘူးလို့
ကတိပေးတယ်..

' မ '..ပုခုံးလေးကိုဖတ်ပြီး
အနားတိုးကျီစယ်တော့
' မ '..ကကျွန်တော့်ကို
သွား...လူဆိုး ပြန်မယ်ဆိုပြီး
မတ်တတ်ထရပ်တယ်..

' မ '..ကကျွန်တော်ကိုဆေးလိပ်မသောက်ဖို့ပြောတော့
ကျွန်တော်က ' မ '..ကိုစိတ်မကောက်ဖို့
ပြောတယ်

' မ '..ကကျွန်တော့်ကို သတိရဖို့ကအဓိကပဲလို့ပြောတော့
ကျွန်တော်က..' မ '..ကိုဘယ်လိုမေ့လို့ရပါမလဲလို့
ပြန်ပြောလိုက်တယ်..

' မ '..ကျွန်တော့်ကိုနောက်တစ်ယောက်ပြောင်းတော့မယ်လို့
ကျီစယ်တော့
ကျွန်တော်ကသောက်လက်စဆေးလိပ်ဘူးခွံလေးကို
အောက်ပစ်ချပြီး ခြေထောက်နဲ့ကန်ထည့်လိုက်တယ်..

နေ့နဲ့ညတွေဝေးနေတဲ့' မ 'ရယ်
ပြန်မရတော့မယ့် အမှတ်တရတွေ
ကျွန်တော့်ရှပ်အကျီင်္အိတ်ထောင်လေးထဲ
မဆံ့မပြဲနဲ့ပေ့ါ...


 

                  ( ၄ )


မြတ်လေးဆိုတဲ့..
' မ '...နာမည်လေးက
ကျွန်တော့်ဘ၀ရဲ့ ဘယ်တော့မှမပျက်သုဉ်းတော့မယ့်
ကျမ်းစာလေးနှစ်လုံးပေ့ါ...

အရိပ်ညိုတွေနဲ့လမ်းပေါ်ကို
ထီးအဖြူလေးမိုးကာ
' မ '...နဲ့တွဲလျှောက်ခဲ့တုန်းက
ကျွန်တော့ဘ၀င်ကလေ
ဟိုးကောင်းကင်မှာပျံတဲ့ငှက်တွေလိုပါပဲ...

' မ ' ဖန်ဆင်းတဲ့အလင်းတရာနဲ့
တလင်းမှာမှ ကျွန်တော်က
သိမ်သိမ်ဖျင်းဖျင်းဘ၀နဲ့ ချစ်ခွင့်ရခဲ့ခြင်းပါပဲ...

မသိစိတ်က ' မ '...ကို  ချစ်ပြီး
သိစိတ်က ' မ '..ကိုလွမ်းနေခဲ့တာပါ..

အဲဒီလိုနဲ့ပဲ
မထင်ထားတဲ့အချိန်တစ်ခုမှာ..
နတ်ဆိုးတွေသယ်လာတဲ့ အမိန့်ကြေငြာစာတခု
ဗုံသံတွေစည်စည်ကားကားနဲ့ရောက်လာခဲ့တော့တယ်...


 

                      ( ၅ )


ကျွန်တော်မျှော်လင့်တောင့်တခဲ့ဖူးတဲ့
နွေဦးရက်တွေကတော့
ရောက်မလာနိုင်တော့ပါဘူး.....

အချစ်နှစ်ခုပေါင်းစပ်တဲ့အခါ
ဘ၀နှစ်ခုပေါင်းဖက်ခဲ့ကြပေမယ့်
အချစ်နှစ်ခုလမ်းခွဲအထွက်မှာ
ဘ၀နှစ်ခုကျိုးကြေကွဲပျက်သွားတယ်...

သိုးမည်းတကောင်က ဘယ်လောက်ဖြူပါတယ်ပြောပြော
လျှပ်စီးတွေဝင်းခနဲတောက်
ညိုညိုသွားတဲ့သူတို့မျက်နှာတွေကြားထဲမှာ
ယုံကြည်ခြင်းကိုပြန်ပြန်လုရတာလည်း
မောလှပြီ....

အာမခံချက်မရှိတဲ့ဘ၀နဲ့
ဆောင်းခိုခွင့်မရချင်တော့ဘူး
' မ ' မျက်လုံးစိမ်းလေးတွေအောက်မှာ
ချစ်ခဲ့တဲ့နေ့တွေကို
ရေတိမ်တိမ်လေးထဲ တိမ်းမှောက်ပစ်လို့
ကိုယ့်ကိုကိုလှည့်စားလိုက်တယ်...

သွားတော့နော်..
လေပွေတွေကြမ်းရင်လည်း
ဘယ်တော့မှမကြွေနွမ်းပါစေနဲ့
ဆုတောင်းနေမယ်..
ဖြူဝင်းသင်းပျံ့စွာ
ထိုက်တန်သူလက်မှာ
အညှာခိုင်ပန်းတပွင့်အဖြစ် မွှေးကြိုင်ထုံမွန်းစေ..
ဆုတောင်းနေမယ်..

ပြန်ရအောင်လေ တဲ့
အင်း...ပြန်ကြတာပေါ့..
နေညိုချိန်မှာကျောခိုင်းနှုတ်ဆက်
မရဲ့ဆံနွယ်ခက်လေးတွေ ဖြာခနဲလှည့်ထွက်သွားတာ
ဒီတသက်..ဘယ်လိုမေ့ရက်ပါ့မလဲ...။

မိုးအစစ်တွေလည်းအခုမှရွာကြတယ်
ရင်ဘတ်ထဲကလည်း သွေးစက်တွေသွန်သွန်ချလို့
ကျန်ရစ်ဝင်္ကပါထဲမှာ...ဖားလျားချထားတဲ့ဆံနွယ်တွေကိုလွမ်းလို့
အကြိမ်ကြိမ်အော်ဟစ်မြည်တမ်းနေဆဲ.....


ကြည်နှုးသာယာ အေးမြချမ်းမြေ့ပါစေ..' မ 'ရေ
ကြည်နှုးသာယာ အေးမြချမ်းမြေ့ပါစေ..' မ 'ရေ
ကြည်နှုးသာယာ အေးမြချမ်းမြေ့ပါစေ..' မ 'ရေ



ကျွန်တော်ဘလော့ရဲ့တတိယမြောက်ကဗျာရှည်လေးပါ။'မ'အကြောင်းကဗျာပါ..'မ'အကြောင်းတခါမှ 
မရေးဖူးသေးတာနဲ့..ရေးကြည့်တာပါ..။ ရေးနေတာကတော့ကြာပါပြီ..။နည်းနည်းအားလိုက်ရေးလိုက်
ပြင်လိုက် နဲ့အခုမှပဲတင်ဖြစ်တော့တယ်..ခံစားကြည့်ပါဦးခင်ဗျာ.။ပုံကဘယ်လိုမှအဆင်မပြေလို့မထည့်
တော့ပါဘူး.။





Saturday 11 August 2012

ရင်ဘတ်ထဲကိုဓါတ်ခဲလာထည့်သွားတဲ့ကောင်မလေး



ငါ့ရင်ဘတ်ထဲဓါတ်ခဲလာထည့်သွားတဲ့
ကောင်မလေးရေ
အခုဆိုငါ့မှာ....
အမှောင်တွေလာတိုင်း လင်းလင်းပြနေရတာ
လူတွေကငါ့ကို...
လမ်းမီးတိုင်သေလို့ဝင်စားတဲ့ကောင်လို့
သတ်မှတ်ကုန်ကြပြီ.....

မျက်လုံးကလေးထောင့်ကပ်ပြီး
တိတ်တိတ်ကလေးပြုစားလိုက်သမျှ
ဝုန်း...ဆို..
လင်းလိုက်ရ
ဝုန်း....ဆို
မှောင်လိုက်ရနဲ့.....

လိုက်နာရမယ့်
လမ်းညွှန်ဆိုင်းဘုတ်တွေကလည်း
များပါ့...
ဘာကြောင့်များ...ဒီလို
နံရိုးတချောင်းကိုမှ
ကျကျနန...လိပ်ပြာသန့်ချင်မိမှန်း
မသိတော့ပါဘူး...

ဖြစ်နိုင်ရင်
ဟွန်း....ဆိုတဲ့အသံလေး
ခဏခဏမတီးပါနဲ့
ငါ့အချစ်တွေ..
တာကျိုးသလိုကျိုးရင်
ရေတွေလွှမ်းပြီး...မင်းမွန်းမှာစိုးတယ်

ဝယ်မလို့ကြည့်နေတာမဟုတ်ပါဘူး
လိုက်မလားလို့ငါ့ကိုမခေါ်ပါနဲ့
အုတ်တချပ်သဲတပွင့်လောက်ပဲဖြစ်ဖြစ်
နင့်ဘ၀ထဲကို
ကြော်ငြာဝင်ခွင့်ရရုံလေးပဲ...

Wednesday 8 August 2012

ကိုနွေလတဂ်ပို့စ်

ဟုတ်ကဲ့...ရေးမယ်ရေးမယ်နဲ့မအားတာကတော်တော်လေးဖြစ်နေလို့အခုမှပဲရေးဖြစ်တာပါ..
ရေးချင်တာတော့စသိခြင်းကတည်းကပါ...။ စိတ်ထဲကလည်းမကောင်းပါဘူး...။ဘလော့ကိုဘယ်လောက်တန်ဖိုး
ထားတယ်ဆိုတာ ဘလော့ဂါသမားအချင်းချင်းမလို့ပိုပြီးသိပါတယ်...။ အားလုံးကပြန်ပြီးရအောင်ကြိုးစားနေကြ
တယ်ဆိုလို့လည်းဝမ်းသာပါတယ်..။နဂိုဘလော့လေးအတိုင်းပဲပြန်ရပါစေဗျာ...။မေးခွန်းတွေကိုစိတ်ထဲရှိတဲ့အတိုင်းပဲ
ဖြေပါ့မယ်ဗျာ..

(၁) သင့်ဘလော့လေးကို ဘယ်အချိန်ကစပြီး တည်ထောင်ခဲ့ပါသလဲ … ဘယ်လိုတည်ဆောက်ခဲ့ရသလဲ ?

၂၀၁၂..ဇန်န၀ါရီလထဲမှာပေါ့..။ ဒီဇိုင်းဆိုဒ်တွေလိုက်ကြည့်ရင်းနဲ့အမှတ်မထင်မြန်မာစာအုပ်တွေတင်ပေးနေ တဲ့ ဆိုဒ်တစ်ခုထဲကိုရောက်သွားပါတယ်..အဲဒီမှာကစာအုပ်တော်တော်များများရှိပြီး နည်းပညာစာအုပ်တွေ များပါတယ်...အဲဒီကနေဘလော့လုပ်နည်းစာအုပ်လေးဒေါင်းရင်းနဲ့လုပ်ဖြစ်သွားတာပါ...ကဗျာတွေကတော့
အရင်တုန်းကတည်းကရေးဖြစ်ခဲ့တာဖြစ်ပြီး ဘလော့လေးစလုပ်ဖြစ်တော့မှဘလော့ပေါ်မှာတင်ဖြစ်ခဲ့ပါတယ်
ဘလော့ကိုတော့စာအုပ်လေးဖတ်လိုက်လုပ်လိုက်နဲ့ကိုယ့်ဖာသာကိုကလိရင်းလုပ်ဖြစ်ခဲ့တာဖြစ်ပြီး သူငယ် ချင်းတစ်ယောက်ရဲ့အကူအညီကိုလည်းယူခဲ့ပါတယ်...။

(၂) ဘလော့ကို ဘယ်လိုရည်ရွယ်ချက်ကြောင့် တည်ထောင်ဖြစ်ခဲ့သလဲ ?

အဓိကကတော့ကဗျာတွေသိမ်းထားချင်လို့ပါ..နောက်ပြီးအမှတ်တရတွေရယ်ပေါ့..

(၃) သင် သင့်ရဲ့ဘလော့လေးအပေါ်မှာ ဘယ်လောက်ထိ ရည်မှန်းထားသလဲ … ဘယ်လောက်ထိ မြတ်နိုးတန်ဖိုးထားသလဲ ?

ဘယ်လောက်ရည်မှန်းထားတယ်ရယ်လို့တော့မရှိပါဘူး..ကဗျာတွေသိမ်းထားလို့ရရင်ကိုတော်တော်ကျေနပ်
ပါတယ်..ဒါပေမယ့်ဖတ်တဲ့သူတွေများများလာတော့လည်းတော်တော်ပျော်ရပါတယ်ဗျာ..ဘယ်လောက်မြတ်နိုး
လဲဆိုရင်တော့ အရင်တုန်းကတော့ကျွန်တော်အရမ်းစွဲလမ်းရတာဂစ်တာရယ် ဒီဇိုင်းပုံတွေရယ်ပေါ့..
အခုတော့ ဒီဘလော့လေးပါတိုးလာပြီး ကျွန်တော်စွဲလမ်းရတာသုံးခုဖြစ်သွားတယ်..။

(၄) သင့်ဘလော့လေး ရုတ်တရက် ပျောက်ဆုံးသွားခဲ့ဖူးပါသလား ?

မပျောက်ဆုံးဖူးသေးပါဘူး.။ အခုမှပထမဆုံးပါ...။

(၅) ပျောက်ဆုံးသွားတဲ့အချိန်တုန်းက သင် ဘယ်လောက်ထိ ခံစားခဲ့ရဖူးလဲ … ?

မပျောက်ဖူးသေးပေမယ့် ပျောက်ခဲ့ရင်တော့တော်တော်ခံစားရမယ်ထင်ပါတယ်...ကိုယ်တန်ဖိုးထားတဲ့ပစ္စည်း
ဆိုတော့ ...ခံစားရမှာပါ။

Sunday 5 August 2012

မိန်းခလေးဘ၀


နင့်အတွေ့တွေကိုသိမ်းနုတ်
နင့်ရင်ခွင်ကိုတွန်းထုတ်လို့
နင့်ကိုနောက်ဆုတ်ဖို့
ငါအော်ဟစ်ပါရစေ.....။

အဲဒီအော်ဟစ်လိုက်တဲ့အသံတွေမှာ
နင့်အတွေ့တွေထဲ
ငါကိုယ်တိုင်ပျော်ဝင်နေခဲ့တယ်ဆိုတဲ့စိတ်
ရေးရေးလေးလောက်ပဲဖြစ်ဖြစ်
နင်ကြားသိနိုင်ပါစေ...

နင့်ကိုဘယ်လောက်ချစ်တယ်ဆိုတာ
ဘယ်လိုအရာမျိုးနဲ့ပဲဖြစ်ဖြစ်
ငါအလဲအထပ်လုပ်ရဲပါတယ်..
ဒါပေမယ့်
မိန်းခလေးတစ်ယောက်ရဲ့
အသက်ထပ်ပိုတန်ဖိုးထားတဲ့
အရာတစ်ခု...ငါသဲထဲရေမသွန်ရဲခဲ့ဘူး..

နင့်ကိုမချစ်ဘူးလို့ထင်ရင်လည်း
ရှိစေ.....

အဝေးတနေရာကနေ
နင့်အကြောင်းကြားရသမျှ
နားစွင့်လို့
မိန်းခလေးတွေရဲ့ဘ၀ကို
နင်နားလည်လာမယ့်နေ့ကို
ငါစောင့်နေတယ်ချစ်သူ......။

Saturday 4 August 2012

ရိုးရိုးလေးပါပဲ....အသဲကွဲသည်...


အချစ်ကလက်ရေးလှစာအုပ်ထဲက
ဝလုံးဝိုင်းစက်စက်လေးတွေဆိုရင်
အမုန်းက အဲဒီဝလုံးလေးတွေကို
ပွတ်ဖျက်ပစ်နိုင်တဲ့
ခဲဖျက်တစ်ခုဖြစ်မယ်နဲ့တူတယ်....

လေးနှစ်တာတွဲခဲ့တဲ့နေ့ရက်တွေမှာ
အမှတ်တရတွေရှိနေနိုင်သေးပေမယ့်
ငါတို့ရည်မှန်းထားတဲ့. ...အနာဂတ်လမ်းလေးက
မြူတွေဖုံးသွားခဲ့ပြီ......

သူ့နဲ့ဝေးရာကိုသွားဖို့
ကိုယ့်ကိုကိုယ်  ပူဖောင်းတစ်လုံးအဖြစ်
အသွင်ပြောင်း...
ဖောင်းခနဲပေါက်ကွဲပစ်လိုက်တယ်...

စိတ်ကောက်ကြတဲ့အခါ
ဘယ်သူအလျော့ပေးဆုံးလဲပြောရင်
ငါပဲဖြစ်လိမ့်မယ်..

စိတ်မကျေနပ်ပဲ
အမျိုးမျိုးလာရစ်တိုင်းလဲ
ဘယ်သူခေါင်းငုံ့ခံလဲမေးရင်
ငါပဲဖြစ်လိမ့်မယ်...

အခုတော့
ထွက်သက်ဝင်သက်တိုင်းမှာကပ်ညိပါလာတတ်တဲ့
သူ့ရဲ့ပုံရိပ်တွေကိုအပြီးအပိုင်ဆွဲထုတ်လို့
ခေါင်းငုံ့ခဲ့သမျှကိုလက်စားချေလိုက်တယ်
ရိုးရိုးလေးပါပဲ...ကျွန်တော်အသဲကွဲသွားတယ်.... 

ဒီတခါတော့အသဲကွဲကဗျာလေးတစ်ပုဒ်တင်လိုက်ပါတယ်..အသဲကွဲကဗျာတွေမရေးဖြစ်တာလည်းကြာ
ပါပြီ။အရင်တုန်းကတော့မကြာခဏဆိုသလိုတင်ခဲ့ဖူးပါတယ်။တကယ်အသဲကွဲတာတော့မဟုတ်ပါဘူး..။
အဆင်ပြေပါတယ်ခင်ဗျာ..ရာသီဥတုသာယာပါတယ်..။ဟဲဟဲ.။အခုလိုဂရုတစိုက်မေးပေးတာကိုကျေးဇူး
တင်ပါတယ်ခင်ဗျာ...။