ပန်းတစ်ပွင့်ထံသို့

နီးခွင့်ရပါ့မလား
..........ရယ်
ဝေးရမှာပါလို့ နတ်ဆိုးတွေလာလာပြောကြတိုင်း
ကို့ခါးကိုကလိထိုးပြီး အော်ရယ်ပစ်လိုက်တယ်...
တကယ်တော့ ရင်ဘတ်ထဲမှာကြေကွဲနေခဲ့တာပါ..

နေရက်တွေလဲကျန်ခဲ့ပါပြီ
ဟိုးရှေးရှေးတုန်းကအကြောင်းတွေက
ဟိုးရှေးရှေးတုန်းကလို့အစပြုပြီးပြောရမယ့်
ပုံပြင်တပုဒ်ဖြစ်မသွားချင်ဘူး......

အခုဆိုနင်တို့အိမ်ရှေ့မှာ ပန်းမပွင့်တဲ့
ပန်းရာသီတခု စိုစွတ်နေရောပေါ့
အပျင်းပြေစားတဲ့နေကြာစေ့တစ်ထုပ်လောက်ပဲဖြစ်ဖြစ်
နင့်ဘ၀ထဲ ပါဝင်ကပြချင်ခဲ့တာပါ..
နင်ပေးလာတဲ့ ခံစားချက်တွေ
မှိုမတက်အောင်သိမ်းထားဖြစ်ပါတယ်..

အရာရာတိုင်းအဆုံးရှိတာမှန်ပါတယ်
ငါက တော့နင့်ကို ဖြစ်ပြီး ပျက်တတ်တဲ့
အချစ်မျိုးနဲ့မချစ်ခဲ့ပါဘူး..
အပျင်းပြေသဘောမျိုးပဲဖြစ်ဖြစ်ငါ့နာမည်ကို
တခါလောက်ခေါ်ပါလား..

တူနှစ်ကိုဘ၀မျိုးကို ဘယ်နံပါတ်ဘက်စ်ကားစီးသွားရမလဲ
ခေါင်းသုံးလုံးရှိတဲ့အဖိုးကိုမေးကြည့်ပြီးတော့
လမင်းရေစီးကြောင်းတစ်လျှောက်ငါ အရောက်ပြန်ခဲ့မယ်
အလွမ်းသီချင်းတွေဆိုရင်း
ငါ့ကို သုံးမိနစ်တော့စောင့်ပါ.....

သံသယ

ဆုံနိုင်ခွင့်
မြူတွေဆိုင်းပြီး
ဝေးကွာနေဆဲ...

ရင်ဘက်အစစ်တခုချပြခဲ့ပေမယ့်
ဝေးလွန်းနေတော့..
သံသယတွေအောက်မှာ
ယုံကြည်မှုက ရေခဲမှတ်အောက်ရောက်သွားတယ်..

မယုံကြည်တတ်သူအတွက်
ဖြစ်ရပ်မှန်တွေကလည်း
ပုံပြင်တစ်ပုဒ်ပေါ့...

လူသာလာပါပြသနာမခေါ်လာပါနဲ့လို့
ကြားဖူးတယ်..
အခုက..
လူသာမလာတာ..ပြသနာတွေကတော့ခေါ်ဖြစ်အောင်ခေါ်လာတယ်..

လွန်ခဲ့တဲ့လေးနှစ်ကလို
မချစ်တတ်သေးတဲ့ကောင်မလေးတစ်ယောက်ကို
ချစ်တဲ့အကြောင်းတွေပြောပြနေမိတာမျိုး
အချစ်ကိုပြန်မျှားနေရ...

ဘေးစကားတွေဆိုတာ
ငါတို့အတွက်..
အဆိပ်သင့်တေးသွားတပုဒ်လိုပေါ့
နားစိုက်ထောင်လေ..ပိုဝေးလေပဲ..

စဉ်းစားပါဦး..
ငါတို့နှစ်ယောက်၇ဲ့ပက်သက်မှုက
တစ်ယောက်မှတ်ပုံတင် တစ်ယောက်ယူကြည့်နေရမယ့်
ဆက်ဆံရေးမျိုးမဟုတ်ဘူး...။

အရှုံး

မထင်ထားပါပဲ
မျက်ရည်တွေသယ်လာတဲ့တိမ်တွေ
သဲသဲမဲမဲကိုရွာတယ်...

ပွဲသိမ်းခရာမှုတ်နေတာတောင်မှ
အလိုက်တသိဇာတ်သိမ်းပေးလိုက်ဖို့
ငါက...အရှက်မရှိခဲ့ဘူး...

အချစ်က
နေမင်းဆယ်ဆူ...ပြိုင်တူပူသလိုမျိုးဆိုလည်း
နောက်ဆုံးလက်ကျန်သွေးစက်တွေထိ
မဝေးသွားဖို့တွယ်ကပ်နေဦးမယ်...

အနိုင်ယူတတ်လွန်းသူအတွက်
အရှုံးတွေနဲ့..နေသားတကျရှိအောင်
သင်ယူထားပါရဲ့...

ဖြစ်နိုင်ရင်သာ
လေလှိုင်းပေါ်က
နင်နဲ့စကားပြောခွင့်လေးတွေ
ခဏခဏမတွန်းထုတ်ပါနဲ့လား...

နင်မေးနေကျ
ငါမဖြေတတ်တဲ့မေးခွန်းတွေရဲ့အဖြေကို
ခေါင်းလေးကုတ်စဉ်းစားရင်းနဲ့
ငါ...
ပျော်ပျော်ကြီးရှုံးနေပါရစေ..။

မင်းအနားလေးမှာပဲ

အရင်လိုသတိရတိုင်း
ရင်ဘတ်ထဲပြန်ဝင်ခွေနေလို့မှမဖြစ်တော့တာ
တချက်လွမ်းတိုင်းနင့်နာမည်ကို
တခါအော်ခေါ်နေမိတာ
တံတွေးတွေတောင်ခြစ်ခြစ်တောက်ပူနေပြီ

နင့်အတွက်ပန်းမိုးတွေရွာချပေးချင်လို့
အလိုမတူပေမယ့်..
ကန်တော်ကြီးကို သာဓုကန်ဘုရားကို
ဒဂုံ (၁) ကျောင်းကို  ယောက်လမ်းကို
စိန်ရောင်ခြည်ဘုရားကို ဘုရားလမ်းဘူတာလေးကို
တောင်မြောက်လမ်းဆုံကဘုရားကို ucsy ကို
ငါခဏမေ့လိုက်တယ်.....

တဘ၀လုံးစာအတွက် တခဏလောက်ဆွံ့အချင်ယောင်ဆောင်နေတာတောင်မှ
နင်နဲ့စကားပြောဖြစ်တဲ့ညတွေဆို
ငါ့ဖုန်းထဲကနင့်ဓါတ်ပုံလေးတွေဆီ လွှားခနဲ လွှားခနဲ
ပြေးပြေးသွားမိတုန်း...

အချစ်တွေရေညှိတက်သွားပြီဆိုပြီး
ဟန်ဆောင်စိတ်မကောက်ပါနဲ့
အတိတ်နေ့တွေကို နာကျင်ဆွံ့ပျံ့ရလွန်းလို့
သုညလိုလို စက်ဝိုင်းလိုလိုနဲ့
ငါ့ကိုငါတောင် ဘာကောင်မှန်းမသိတော့ဘူး...

မခင်ချင်ယောင်ဆောင်တတ်တဲ့ ကြယ်မလေးကိုမှ
ငါကကောင်းကင်ဖြစ်ဖြစ်ပြချင်မိတာကို
ရင်ခုန်သံတွေ ဈေးကြီးလည်းကြီးပေ့ါ..
ချည်နှောင်မျက်ဝန်းလေးရှေ့မှာပဲ
ရာဇ၀င်အထပ်ထပ်ထိ ကျောက်ချရပ်တန့်ချင်မိပါတယ်...။

' မ ' အတွက်ကဗျာ

နေ၀င်ခါနီးညနေခင်းထဲက
မှိန်ဖျော့ဖျော့အလင်းတွေကိုဆွဲထုတ်
ကိုယ့်ဖာသာကိုပဲ မိုးချုပ်လိုက်ကြမယ်..

လေညင်းကလေးရယ်
' မ '..နဲ့ဝေးရတော့မယ့်.
အခိုက်အတန့်ငယ်လေးမှာ
' မ '..ဆံနွယ်တွေလွင့်ဝဲနေတာလေး
ငေးကြည့်နေချင်သေးလို့
' မ '..ဆံနွယ်တွေပေါ်ကို..ထိခတ်ရုံလေး
သာသာဖျော့ဖျော့..တိုက်ခတ်ပေးပါလား...

နတ်ဘုရားတွေဖန်ဆင်းတဲ့
မီးခိုးငွေ့တွေမှာ..ကျွန်တော်တို့ဆုံနိုင်ခွင့်ကေ၀၀ါး
အဆုံးအစမရှိတဲ့မြစ်တစင်းကကန့်လန့်ဖြတ်တားတယ်...

ပန်သူမဲ့တော့မယ့်မြတ်လေးပန်းတွေလည်း
အိမ်ရှေ့မှာ သိမ်ငယ်ညိုးလျော်လို့
ဖြစ်နိုင်ရင်အဲဒီဝေးကွားခြင်းကို
လက်နှစ်ဖက်ဖြန့်ကား တားချင်သေးတယ်..

ကောင်းကင်အလင်းတွေတိုးဆုတ်ဖျော့လျော့လို့
ကျွန်တော်တို့ရဲ့ဘ၀တွေကလည်း
မှင်ရည်ကျဲကျဲ သုတ်လိမ်းထားတဲ့စုတ်တံတစ်ခုလို
ဘာစာလုံးမှမပြီပြင်တော့ပါဘူး..


                ( ၂ )


အခန်းကျဉ်းလေးထဲက
လွမ်းရတဲ့ ညတွေအကြောင်း
' မ '..ကိုပြောပြချင်တယ်..

' မ '..ရဲ့မျက်လုံးဝိုင်းလေးတွေက
စူးမြလင်းပလွန်းတဲ့ မီးတောက်ကြယ်လေးတွေလား
အဲဒီမီးတောက်ကြယ်လေးကို ထိခတ်ရုံလေးနမ်းတော့
မလွမ်းတတ်သေးတဲ့ရင်ခုန်သံတွေ
ပူလောင်ဆွတ်ပြစွာ..တဒိတ်ဒိတ်ခုန်တယ်..

ခူးဆွတ်ခွင့်မရတော့မယ့် ညရိပ်နှင်းဆီရယ်
ကျွန်တော့်ကို အညတရမိုးရေတွေထဲမှာ
နှုတ်ခမ်းတွေ သွေ့ခြောက်ဆွံ့အတဲ့အထိ
သီချင်းတွေဆိုနေခွင့်တော့ပေးပါ...

' မ '..ပြန်မလာတော့မယ့်လမ်းကို
မြတ်လေးပန်းတွေခူးဆွတ်လို့
စောင့်ကြိုနေပါရစေဦးနော်...

' မ '..ကိုသယ်ဆောင်သွားတဲ့
လေယာဉ်ပျံကြီးရယ်..
အတောင်ပံတွေရုတ်သိမ်း..
ငါရှင်သန်ရာမြေပြင်ပေါ်ကို
' မ ' ကိုပြန်လည်သယ်ဆောင်ပေးပါလား...

ချစ်တဲ့သူအတွက်
ပေးဆပ်ရတာပျော်ဖို့ကောင်းပေမယ့်
အလွမ်းတွေနဲ့မျက်နှာသစ်သစ်နေရမှာတော့
ကျွန်တော်မ၀ံ့ရဲလို့ပါ..
 

                ( ၃ )


' မ '...ကိုကျွန်တော်က
ချစ်တယ်လို့ပြောတုန်းက
' မ '..ကရှက်တယ်ဆိုပြီး
ခေါင်းလေးငုံ့သွားခဲ့ဖူးတယ်..

' မ '..ကိုကျွန်တော်ကအမြဲတမ်းချစ်ခင်ပါ့မယ်လို့
ကတိပေးတုန်းက
' မ '..ကကျွန်တော့်ကိုအမြဲတမ်းအပြစ်မမြင်ဘူးလို့
ကတိပေးတယ်..

' မ '..ပုခုံးလေးကိုဖတ်ပြီး
အနားတိုးကျီစယ်တော့
' မ '..ကကျွန်တော့်ကို
သွား...လူဆိုး ပြန်မယ်ဆိုပြီး
မတ်တတ်ထရပ်တယ်..

' မ '..ကကျွန်တော်ကိုဆေးလိပ်မသောက်ဖို့ပြောတော့
ကျွန်တော်က ' မ '..ကိုစိတ်မကောက်ဖို့
ပြောတယ်

' မ '..ကကျွန်တော့်ကို သတိရဖို့ကအဓိကပဲလို့ပြောတော့
ကျွန်တော်က..' မ '..ကိုဘယ်လိုမေ့လို့ရပါမလဲလို့
ပြန်ပြောလိုက်တယ်..

' မ '..ကျွန်တော့်ကိုနောက်တစ်ယောက်ပြောင်းတော့မယ်လို့
ကျီစယ်တော့
ကျွန်တော်ကသောက်လက်စဆေးလိပ်ဘူးခွံလေးကို
အောက်ပစ်ချပြီး ခြေထောက်နဲ့ကန်ထည့်လိုက်တယ်..

နေ့နဲ့ညတွေဝေးနေတဲ့' မ 'ရယ်
ပြန်မရတော့မယ့် အမှတ်တရတွေ
ကျွန်တော့်ရှပ်အကျီင်္အိတ်ထောင်လေးထဲ
မဆံ့မပြဲနဲ့ပေ့ါ...

 
                  ( ၄ )


မြတ်လေးဆိုတဲ့..
' မ '...နာမည်လေးက
ကျွန်တော့်ဘ၀ရဲ့ ဘယ်တော့မှမပျက်သုဉ်းတော့မယ့်
ကျမ်းစာလေးနှစ်လုံးပေ့ါ...

အရိပ်ညိုတွေနဲ့လမ်းပေါ်ကို
ထီးအဖြူလေးမိုးကာ
' မ '...နဲ့တွဲလျှောက်ခဲ့တုန်းက
ကျွန်တော့ဘ၀င်ကလေ
ဟိုးကောင်းကင်မှာပျံတဲ့ငှက်တွေလိုပါပဲ...

' မ ' ဖန်ဆင်းတဲ့အလင်းတရာနဲ့
တလင်းမှာမှ ကျွန်တော်က
သိမ်သိမ်ဖျင်းဖျင်းဘ၀နဲ့ ချစ်ခွင့်ရခဲ့ခြင်းပါပဲ...

မသိစိတ်က ' မ '...ကို  ချစ်ပြီး
သိစိတ်က ' မ '..ကိုလွမ်းနေခဲ့တာပါ..

အဲဒီလိုနဲ့ပဲ
မထင်ထားတဲ့အချိန်တစ်ခုမှာ..
နတ်ဆိုးတွေသယ်လာတဲ့ အမိန့်ကြေငြာစာတခု
ဗုံသံတွေစည်စည်ကားကားနဲ့ရောက်လာခဲ့တော့တယ်...

 
                      ( ၅ )


ကျွန်တော်မျှော်လင့်တောင့်တခဲ့ဖူးတဲ့
နွေဦးရက်တွေကတော့
ရောက်မလာနိုင်တော့ပါဘူး.....

အချစ်နှစ်ခုပေါင်းစပ်တဲ့အခါ
ဘ၀နှစ်ခုပေါင်းဖက်ခဲ့ကြပေမယ့်
အချစ်နှစ်ခုလမ်းခွဲအထွက်မှာ
ဘ၀နှစ်ခုကျိုးကြေကွဲပျက်သွားတယ်...

သိုးမည်းတကောင်က ဘယ်လောက်ဖြူပါတယ်ပြောပြော
လျှပ်စီးတွေဝင်းခနဲတောက်
ညိုညိုသွားတဲ့သူတို့မျက်နှာတွေကြားထဲမှာ
ယုံကြည်ခြင်းကိုပြန်ပြန်လုရတာလည်း
မောလှပြီ....

အာမခံချက်မရှိတဲ့ဘ၀နဲ့
ဆောင်းခိုခွင့်မရချင်တော့ဘူး
' မ ' မျက်လုံးစိမ်းလေးတွေအောက်မှာ
ချစ်ခဲ့တဲ့နေ့တွေကို
ရေတိမ်တိမ်လေးထဲ တိမ်းမှောက်ပစ်လို့
ကိုယ့်ကိုကိုလှည့်စားလိုက်တယ်...

သွားတော့နော်..
လေပွေတွေကြမ်းရင်လည်း
ဘယ်တော့မှမကြွေနွမ်းပါစေနဲ့
ဆုတောင်းနေမယ်..
ဖြူဝင်းသင်းပျံ့စွာ
ထိုက်တန်သူလက်မှာ
အညှာခိုင်ပန်းတပွင့်အဖြစ် မွှေးကြိုင်ထုံမွန်းစေ..
ဆုတောင်းနေမယ်..

ပြန်ရအောင်လေ တဲ့
အင်း...ပြန်ကြတာပေါ့..
နေညိုချိန်မှာကျောခိုင်းနှုတ်ဆက်
မရဲ့ဆံနွယ်ခက်လေးတွေ ဖြာခနဲလှည့်ထွက်သွားတာ
ဒီတသက်..ဘယ်လိုမေ့ရက်ပါ့မလဲ...။

မိုးအစစ်တွေလည်းအခုမှရွာကြတယ်
ရင်ဘတ်ထဲကလည်း သွေးစက်တွေသွန်သွန်ချလို့
ကျန်ရစ်ဝင်္ကပါထဲမှာ...ဖားလျားချထားတဲ့ဆံနွယ်တွေကိုလွမ်းလို့
အကြိမ်ကြိမ်အော်ဟစ်မြည်တမ်းနေဆဲ.....


ကြည်နှုးသာယာ အေးမြချမ်းမြေ့ပါစေ..' မ 'ရေ
ကြည်နှုးသာယာ အေးမြချမ်းမြေ့ပါစေ..' မ 'ရေ
ကြည်နှုးသာယာ အေးမြချမ်းမြေ့ပါစေ..' မ 'ရေ

ကျွန်တော်ဘလော့ရဲ့တတိယမြောက်ကဗျာရှည်လေးပါ။'မ'အကြောင်းကဗျာပါ..'မ'အကြောင်းတခါမှ 

မရေးဖူးသေးတာနဲ့..ရေးကြည့်တာပါ..။ ရေးနေတာကတော့ကြာပါပြီ..။နည်းနည်းအားလိုက်ရေးလိုက်
ပြင်လိုက် နဲ့အခုမှပဲတင်ဖြစ်တော့တယ်..ခံစားကြည့်ပါဦးခင်ဗျာ.။ပုံကဘယ်လိုမှအဆင်မပြေလို့မထည့်
တော့ပါဘူး.။