ရှင်သန်ခြင်း

ခရေစေ့တွေနဲ့ပိုးဟပ်ခြေထောက်လေးတွေ
စည်ကားနေတဲ့မြို့လေး....ညလင်းတိုင်တွေအောက်
ခွေးအတကောင် ဆွဲဆွဲငင်ငင်အူသလိုမျိုး
၂၃ ၁/၂ဒီဂရီစောင်းခဲ့ကြ

အဆုံးစီရင်တော့မယ့်
နေ့တွေကိုငေးခဲ့ကြ

ကိုကြီးကောင်းမှာ 

ခံစားချက်တွေဘာသာပြန်ခဲ့ကြ

အရာရာဝေမျှခဲ့ပုံတွေ
လွမ်းကောင်းနေဆဲ..ဝေးကွာဆဲပဲ....

အိတ်အပေါက်ကြီးမှာဖားအော်သံတွေ
နားထောင်ရင်း
မွေးရာပါရိုးသားမှုနဲ့   မာနမီးခဲရဲရဲတောက်နဲ့
ထမင်းစားတယ်....ရေသောက်တယ်
ခြေဦးတည့်ရာလမ်းလျှောက်တယ်....

ဘာဖြစ်သေးလဲ..သူငယ်ချင်း
နှာခေါင်းပေါက်ထဲဝင်လာတဲ့လေတွေ
နှာခေါင်းပေါက်ကပြန်ထွက်သွားတဲ့လေတွေ
အလကားရနေသရွေ့
ငါတို့အသက်ရှင်နေခွင့်ရှိသေးတယ်...