အမေ

ပထမဦးစွာ
လက်ဆယ်ဖြာဦးထိပ်မိုးလို့
ရှိခိုးကန်တော့မယ်...အမေ

အမေအရိပ်နဲ့ဝေးတဲ့ဘ၀က
ဂူပြောက်ကြီးတွေပိန်းပိန်းပိတ်မှောင်
တောင်နံရံတွေကရှည်လိုက်တာ..အမေ
အမေကောလက်သည်းတွေရှည်နေပြီလား...

နာရီလက်တံတွေရစ်သလို
အမေကမေတ္တာတွေလွှမ်းခြုံရစ်အုပ်လို့
အရာရာဟာဘေးကင်းအေးမြခဲ့
အမေ့လက်နဲ့ခွံ့ကျွေးတဲ့
ထမင်းလေးတလုပ်သတိရတယ်အမေ..
အမေကောထမင်းစားချိန်တွေမှန်ရဲ့လား...

မြင့်မိုရ်တောင်လို့တော့ပြောကြပါရဲ့
တကယ်တော့
အမေနဲ့ယှဉ်လိုက်ရင်..
အဲဒီမြင့်မိုရ်တောင်ဆိုတာခရုငယ်သာသာပါ

အိမ်ရှေ့ကစံပါယ်ရုံလေးကကော
စံပယ်တွေပွင့်သေးလားအမေ
သားကအမေ့အဝေး
လမ်းမှောင်မှောင်တွေထဲမှာ
စမ်းတ၀ါးလှမ်းဆဲပါအမေ....

    ( ၂ )

ဘယ်လိုအဘိဓါန်ကမှ
အမေဆိုတဲ့စာလုံးလေးကို ပြည်စုံအောင်ဘာသာမပြန်နိုင်ခဲ့ဘူး
ကျေးဇူးကမ္ဘာအနန္တနဲ့
သားလေ..အမေ့ခြေရာလေးတွေကအစ
လိုက်ကောက်သိမ်းထားချင်တယ်အမေ

အမေ့အဝေးကိုလှမ်းခဲ့တာ
အမေ့ကိုကျေးဇူးဆပ်ချင်တဲ့စိတ်နဲ့ပါ
ပြုစုစောက်ရှောက်ဖို့လိုအပ်နေမယ်ဆို
ထသွားထလာသတိထားပါ
ဒီနှစ်နွေကလည်းနည်းနည်းပူမယ်ထင်တယ်အမေ....

အညွံ့တွေတလူလူလွင့်တော့မှ
လူတွေအလည်အမေဂုဏ်တင့်အောင်
လွမ်းခဲ့သမျှ လင်းခွင့်ရအောင်
အမေ့အရိပ်သားပြန်ခဲ့မယ်အမေ

အမေ့အနားရောက်တော့မှ
ဆီမီးခွက်ကလေးကိုထွန်းညှိ
သားဘ၀လမ်းမှောင်မှောင်တွေကို
တဆိတ်လောက်လမ်းပြပေးပါဦးအမေ

အခုတော့
အမေဝေးလမ်းတွေ
ဆက်ဆက်ပြီး လျှောက်ရဦးမယ်အမေ
ကျွန်တော်တို့မိသားစုလေးထဲက
ချို့ချို့တဲ့တဲ့စစ်ပွဲတွေ မီးငြိမ်းပျောက်ကွယ်သွားတဲ့အထိပေါ့...

    ( ၃ )

အမေ့အပြုံးလေးထဲက
အေးမြစင်ကြယ်ခြင်းကိုဆွဲထုတ်
ညစ်စုတ်တဲ့လောကဓံအရှုပ်အထွေးတွေကြားထဲ
ရိုးရိုးကုပ်ကုပ် ကြိုးစားအားထုတ်နေဆဲပါအမေ

ကျန်းမာရေးလည်းဂရုစိုက်ပါတယ်
အင်္ကျီချွတ်နဲ့လည်းမနေပါဘူး
ကွန်ပြူတာလည်းညနက်တဲ့အထိမနှိပ်တော့ဘူး
ဒါပေမယ့်
သားလိမ်ညာလို့ကောင်းနေတုန်းပါပဲ....အမေ

လသာတဲ့ညတွေဆို
ကောင်းကင်ကိုမော့ကြည့်လို့
တွေးကြည့်မိတယ် အမေ
အမေကောဘယ်လိုအလင်းတွေနဲ့ဝင်းပ
ကျွန်တော့ဘ၀မှာလမင်းလိုသာခဲ့ပါသလဲအမေ

အတောင်တွေဖြန့်ပျံရင်း
ဒဏ်ရာတွေနက်နက်လာတယ်
တနေ့ပေါ့အမေ ဒဏ်ရာတွေဆေးထည့်ဖို့
အမေ့အိမ်တစပ်မိတ်လေးအောက်ခြေစုံရပ်
အမေ့အိမ်ကိုတံခါးခေါက်ဖို့
သားအရောက်ပြန်ခဲ့မယ်.....။

မြင့်မိုရ်တောင်အကြီးကြီးနဲ့အမေ.....အသက်ရာကျော်ကျန်းမာစွာရှည်ပါစေ

မြင့်မိုရ်တောင်အကြီးကြီးနဲ့အမေ.....အသက်ရာကျော်ကျန်းမာစွာရှည်ပါစေ

မြင့်မိုရ်တောင်အကြီးကြီးနဲ့အမေ.....အသက်ရာကျော်ကျန်းမာစွာရှည်ပါစေ