ချစ်သူစေရာ

ချစ်သူမျက်နှာ ဖြူစင်ဝင်းပစွာ

မြင်တွေ့တဲ့အခိုက်ဟာ

ရင်ထဲမှာ အေးချမ်းလှတာ

လမင်းလေးပမာ......

အလိုမကျစွာ နှုတ်ခမ်းလေးစူ

သူစိတ်ကောက်တဲ့အခါ

ရင်ထဲမှာ ပူလောင်လွန်းလှစွာ

နေမင်းကြီးပမာ.......

ချစ်သူဘ၀လေးလင်းဖို့ရာ

ကောင်းကင်ထက်ကဆောင်ကျဉ်းပေးချင်တာ

ရင်ထဲမှာစိတ်ကူးထားတာ

ကြယ်ကလေးများစွာ.....

ကျွန်တော်နဲ့ဂစ်တာ

ရပ်ကွက်လေးတိတ်ဆိတ်

ကြယ်ကလေးတွေအိပ်

သူပြတင်းတံခါးလေးပိတ်တော့

ဂစ်တာလေးပုခုံးမှာချိတ်လို့

သူ့အိမ်ရှေ့ကပြန်ခဲ့တယ်

ခေါင်းငိုက်စိုက်ချ.....။

အနမ်း

ဆန့်ကျင်ဖက်ဆွဲအားနှစ်ခုရဲ့
ဆုံမှတ်....

တိမ်တွေဖမ်းဆုပ်ရသလိုလို
အထိအတွေ့မှာ
နှောင်ကြိုးတွေတင်းရင်း....
လေဟာနယ်ထဲလွင့်ဝဲသွားသလို

နှလုံးခုန်သံနှစ်ခုသာ  တဒိတ်ဒိတ်ကြားတဲ့
အဲဒီအခိုက်အတန့်
စက္ကန့်တချို့...အတိတ်မေ့သွားတယ်။

စိတ်ကူးထဲကသင်္ကြန်

ပိတောက်ပန်းခက်လေးရယ်

ဒီအချိန်ရောက်လာတိုင်း

ရောက်ယက်ခတ်လာတဲ့ရင်ကိုနှစ်သိမ့်ဖို့

ငါ့မှာသင်္ကြန်ရေကမရှိ....

ဒီမြေမှာ တန်ခူးမရှိသလို

အတာလည်းမသိဘူး...

ပိတောက်နဲ့နီးရမယ့်ကံ

တခါပြန်တမ်းတရင်း

စိတ်ကူးထဲကသင်္ကြန်မှာ

(ငါ..)

ရေတွေကိုရွှဲလို့......။

ဘ၀

သက်တန့်လေးကိုအားကျလို့

ခုံးခုံးလေးနေနေခဲ့တာပါ

သံပုရာသီးတလုံးထင်ပြီး

သွေးတိုးလာစမ်းကြသေးရဲ့....

တံဆိပ်အစွဲနဲ့

ရေသန့်ချည်းနင်းကန်သောင်နေမိတော့

လျှာပေါ်မှာမြက်တွေပေါက်လာတယ်......

ခေါင်းပေါ်ကပလူပျံနေတဲ့

ဖိနပ်တွေကိုဖယ်ထုတ်ရင်း

ဖားဖြစ်လိုက် ....ငါးဖြစ်လိုက်ပေါ့

နတ်ကွန်းမဟုတ်ရင် 

အမွှေးတိုင်မထွန်းတက်တဲ့စိတ်ကြောင့်

တခါတလေ ဆင်နင်းခံရတယ်....

ထားလိုက်ပါလေ...

ငါ့မှာကိုယ်ပိုင်အလင်းရောင်မှမရှိတာ...

တကယ်ဆို...

လေတိုက်မှလှုပ်ခွင့်ရတဲ့ဘ၀

မွေးကတည်းက

နဂါးခေါင်းလှည့်တဲ့ဘက်မှားလာခဲ့တယ်....။

အိပ်မရတဲ့ည

ည....

မှောင်မိုက်တိတ်ဆိတ်

တံခါးနဲ့မီးကိုပိတ်

ကျိတ်မှိတ်အိပ်ပေမယ့်

(ဘယ်လိုမှ)

အိပ်မပျော်ဘူး........။

နောက်ဆုံးစာမျက်နှာ

နှလုံးသားထဲကပန်းတွေကို

နှုတ်ခမ်းတွေနဲ့တယုတယကျဲချခွင့်တွေ

ဝေးပြီ......... 

ချို့တဲ့ ခြောက်သွေ့လွန်းတဲ့ဘ၀ထဲကို

ဆွဲမနှစ်ရက်လို့

ငါတို့နှစ်ယောက်ရဲ့မျှော်လင့်ချက်ပျိုးခင်းလေးကို

တစ်စက်မကျန်ဖဲ့ခြွေပစ်လိုက်တယ်.....

ထားရစ်ခဲ့ .....ညီမလေးရေ

ဒဂုံတက္ကသိုလ်ထဲက..အတူပြန်ခဲ့ဘူးတဲ့

မိုးသည်းနေ့တွေထဲမှာပဲ ထားခဲ့.....

အရိပ်တွေအိုတဲ့သစ်ပင်

ဆို့....နင့်....ပြို...လဲ

ကျန်နေရစ်ခဲ့ပါ့မယ်......

မိုးခေါင်တေးတွေသာ တခုတ်တရ

ခေါက်သိမ်းထားတဲ့ဖုန်းဆိုးတောထဲကနေ

မင်း...တဘ၀စာထွက်သွားပေါ့.....။