အဖေနဲ့အမေ

လောကဓံရဲ့ရိုက်ချက်တွေပြင်းပြင်းလာတိုင်း
အဖေနဲ့အမေ ကိုပိုသတိရအောက်မေ့မိပါတယ်
အဖေနဲ့အမေဆီမှာနေခဲ့တုန်းက
မိုးတွေသည်းနေမှန်းလည်းမသိခဲ့သလို
မြေကြီးကမြက်တွေအနင်းခံခဲ့ရတာကိုလည်း
တွေးမကြည့်မိခဲ့ဘူးပါဘူး....
အခုမှ.....
လှံလာလာစိုက်တဲ့လူတွေရယ်
ငယ်ထိပ်ပေါ်တက်တက်ထိုင်ချင်တဲ့လူတွေ
လူတွေ.....လူတွေအကြောင်းကို
သိသိလာခဲ့ရပြီ....
ပြည်တော်ပြန်ရမယ့်ရက်ကလည်း
လက်ချိုးရေလိုက်တိုင်း တဖြည်းဖြည်းပိုဝေးသွားသလိုပဲ
ဘာတွေလွှတ်ချထားခဲ့ပြီး
ဘာတွေပြန်ကောက်ခဲ့ရမလဲ....အဖေနဲ့အမေ
ကျွန်တော့်ဒင်္ဂါးပြားလေးလည်း
ခေါင်းပန်းလှန်ရတာများလို့ လုံးပါးပါးလာပြီ
ကြာတွေမပွင့်လည်းရှိပါစေတော့
အရင်လို အေးချမ်းခဲ့ဘူးတဲ့ညနေခင်းတွေဆီမှာပဲ
ကျွန်တော်ပြန်ပျော်မွေ့ချင်တယ်......။

ရင်ဘတ်နှစ်ခုလုံး
ထပ်တူကျသွားမှတော့
အမုန်းတွေပြည်ဖုံးကားချလိုက်ပါစို့လားကွာ
မင်းလက်ကကိုင်ထားတဲ့
အလံဖြူဖြူလေးတစ်ခုရယ်
ငါ့လက်ကကိုင်ထားတဲ့
အလံဖြူဖြူလေးတစ်ခုရယ်
ပေါင်းပြီး .........
ငါတို့ဘ၀ဖြူဖြူလေးတစ်ခုတည်ဆောက်ကြမယ်လေ
နဂါးခေါင်းတွေ
ဘယ်ဘက်လှည့်လှည့်ပေါ့ကွာ
အရေးကြီးတာက  မင်းနဲ့ငါနဲ့အတူရှိနေဖို့ပါပဲ
ငါတို့လက်တွေမြဲနေသေးသမျှတော့
ရွက်ခြောက်တွေဘယ်လောက်ကြွေကြွေ
အမြစ်တွေဘယ်လောက်ရှည်ရှည်ပေါ့
ငါတို့ရဲ့ကြည်လင်ကောင်းကင်
အမုန်းတွေရဲ့နေအ၀င်ကို
အပြုံးတွေနဲ့ငေးကြည့်ကြမယ်လေ
ငါရဲ့အချစ်တွေကို
မင်းရဲ့ ပါးမို့မို့လေးတွေပေါ်မှာ
မြှုပ်နှံခွင့်ပေးပါတော့လားကွာ..........။

ခွဲခွာ

အားယူတက်လှမ်းလာသူကိုမှ
လှေခါးတွေကရိုက်ချိုးရက်တယ်.....
သူက...ထုံးစက်တွေတစ်ချက်တစ်ချက်
ထထပွတ်တာထက်တောင် ဖြူစင်လွန်းမကဖြူစင်လွန်းခဲ့သူပါ
လာခေါ်သွားတဲ့အချိန်ကစောလွန်းမနေဘူးလား.....
မိန်းကလေးရေ.....
မင်းအတွက်နောက်.....
နောက်ထပ်ဆိုတာတွေရှိခဲ့မယ်ဆိုရင်
ငါဆုတောင်းပေးပါရဲ့ကွယ်
မင်းဘ၀လရောက်အောက်ကစပျစ်သီးလေးတွေလိုချိုပါစေ
မင်းဘ၀ အတ္တတွေချိတ်ဆွဲထားတဲ့ကောင်းကင်အိုနဲ့ဝေးပါစေ
မင်းဘ၀  မျက်ရည်လမ်းတွေနဲ့ ဝေးပါစေ.....
ခုတော့......
ငါအိမ်ပြန်သွားရင် လွမ်းနေမယ့်ကောင်မလေးမရှိတော့ပါဘူး။
ညနေစောင်းရင် ငါသူ့ဆီအလာမျှော်နေမယ့်
ကောင်မလေးလည်းမရှိတော့ပါဘူး.........
အလိုမကျရင်စိတ်ကောက်
ငါ့ခါးကိုဆွဲဆွဲလိမ်တဲ့
ကောင်မလေးလည်းမရှိတော့ပါဘူး.......
ငါ့ကိုစိတ်ဆိုးအောင်လုပ်
ဒေါသဖြစ်တဲ့အခါ ငါ့မျက်နှာကြည့်ပြီးပျော်နေတတ်တဲ့
ကောင်မလေးလည်းမရှိတော့ပါဘူး.......။

29th,Novenber,2009

၂၉ရက်၊ နိုဝင်ဘာ၊ ၂၀၀၉
အဲဒီနေ့ပေါ့ ...........
ရင်ဘတ်တစ်ခုလုံးစုတ်ဖြဲခံခဲ့ရတာ
ရေတမာပင်လေးတွေ 
ခက်ကျဲကျဲပေါက်နေတဲ့လမ်းလေးထဲ
မင်းရယ် ငါရယ်နှစ်ယောက်ကလွဲရင်
ဘာဆိုဘာမှမရှိအောင်ရှင်းနေခဲ့တာ
ငါ့မျက်လုံးထဲမှာ 
လျှပ်စီးလက်သလို တချက်တချက်
ထထလင်းနေတုန်းပဲ.....။
ပြောစရာစကားမှမရှိတော့တာ....တဲ့
အဲဒီစကားလေးတစ်ခွန်းထဲနဲ့တင်
ရင်ဘတ်တစ်ခုလုံးအစိမ်းသေ...... သေ
မျှော်လင့်ချက်တွေ ကင်းမဲ့နေပေမယ့်
ကုန်လွန်ခဲ့တဲ့ရက်တွေတိုင်းမှာ
mp4 မှာအသံသွင်းထားတဲ့ 
မင်းရဲ့စကားလေးတွေအတိုင်း
အသဲပုံသကြားလုံးလေးကိုနှစ်ပိုင်းပိုင်း တပိုင်းကိုတော့
ဒီအတိုင်းပဲ သိမ်းထားမယ်လေ.....။
မနှင်းဖြူရေ
ပြန်လာပါ....ပြန်ခဲ့ပါ.....ပြန်လာခဲ့ပါဟာ.....
ရင်ဘတ်အပြဲတွေပြန့်ကျဲနေတဲ့ ရေတမာပင်လမ်းလေးထဲ
လွမ်းနေ....လွမ်းဆဲ.....လွမ်းနေဆဲပါပဲ.......။

အိမ်ကလေးသို့

ဓါးသွားတွေဖွက်ဖွက်ပြီး သယ်လာတဲ့
စေတနာစကားလုံးတွေမရှိတဲ့ 
အိမ်ကလေးကိုပြန်ချင်တယ်......
ရရင်ရသလိုကျော်ခွတက်နင်းသွားတက်တဲ့
အဲဒီခြေထောက်တွေမရှိတဲ့ 
အိမ်ကလေးကိုပြန်ချင်တယ်........
ခံစားချက်တွေမျိုသိပ်ကျိတ်မှိတ်ပြီး
သိမ်းထားစရာမလိုတဲ့ 
အိမ်ကလေးကိုပြန်ချင်တယ်.....
ခွင့်လွှတ်နားလည်ပေးမှုတွေနဲ့
အထီးကျန်တယ်ဆိုတာ ဘာမှန်းမသိခဲ့ဘူးတဲ့ 
အိမ်ကလေးကိုပြန်ချင်တယ်......
မနက်အရုဏ်တက် အမေ့ဟင်းချက်သံတွေ နဲ့
အိပ်ယာထခဲ့ရဖူးတဲ့ 
အိမ်ကလေးကိုပြန်ချင်တယ်
မနက်အိပ်ယာထပျင်းတဲ့ညီလေးနဲ့ အအိပ်မက်တဲ့ညီမလေးတို့ရဲ့
ကိုကြီးလို့ခေါ်သံတွေကြားခဲ့ရဖူးတဲ့  
အိမ်ကလေးကိုပြန်ချင်တယ်.......
အဒေါ်၊ အဖိုးအဖွားတွေရဲ့ ဆိုဆုံးမစကားသံတွေကို
ကတောက်ကဆလုပ်ခဲ့ဖူးတဲ့
အိမ်ကလေးကိုပြန်ချင်တယ်..........
အဖေ့ဆုံးမစကားသံတွေကြားရောင်ရင်း
ဘယ်တော့ပြန်ရမယ်မှန်းမသေချာသေးတဲ့
အိမ်ကလေးကို ပြန်ချင်တယ်........။