အချစ်ဆိုသောအရာ

ကျွန်တော်က ယုယခြင်းတွေနဲ့
စစ်မှန်တဲ့နှလုံးသားတစ်ခုပေးတော့
သူကပစ်ခွာပြေးလို့ အမုန်းတွေတန်ပြန်ပေးတယ်
အချစ်ဆိုတာ ပေးဆပ်ခြင်းတဲ့လား.....
အိမ်အပြန်လမ်းလေးတွေရယ်
သူနဲ့တွဲလျှောက်ခွင့်တွေဝေးတော့...
အထီးကျန်ဆန်မှုတွေရယ်  အိပ်ပျက်ညတွေပြန်ရတယ်
အချစ်ဆိုတာရယူခြင်းတဲ့လား.....
ကြိုးပြက်သွားတဲ့စွန်လေးလိုမျိုး
ငါဘ၀ဆောက်တည်ရာမဲ့လို့
လေလွင့်သွားသည့်တိုင်အောင်
မင်းအကြောင်းတွေ တွေးမိနေတုန်းပဲ
အချစ်ဆိုတာဘယ်လိုမျိုးပါလိမ့်.......
အချစ်ဆိုတာ....
ရယူခြင်း...... ပေးဆပ်ခြင်း...စတဲ့
ကျွန်တော်တို့မသိတဲ့ စကားလုံးများစွာနဲ့
ဖွဲ့စည်းထားတဲ့အရာ.......။

နန်းမြသဇင်ဖူး

မြိုင်ယံလယ် ပင်ရံထက်မှာလ
လှမွန်ထူ  တလူလူလွင့်ပါလို့
ဆွတ်ချင်သူ အသူသူများပေလှ
ခူးမယ့်ဟန်ပြင်.....
ကမ်းလင့်စရာ သည်လူမှာ
ရင်ခွင်အနွမ်းတွေနဲ့
နှိုင်းချင့်စရာ ပမာရယ်အလွန်ဝေးတာမို့
လှမ်းခဲ့ပါ မြက်ခြောက်ငယ်မခေါ်ရဲပါဘူး
အဝေးမျှော် ရမ်းရော်လွမ်းရတယ်
နန်းမြသဇင်ဖူး......။

ကျွှန်တော်နှင့်အချို့သောလူများ

ငါ့ကိုလာတက်မနင်းကြပါနဲ့ကွယ်

ငါကတောင်လေတွေတိုက်လာမှာကို

သိပ်ကြောက်တတ်တဲ့ကောင်ပေါ့

မင်းတို့ကဘယ်လိုကောင်မျိုးတွေလဲ

ရေနစ်နေသူလက်ထဲက ကောက်ရိုးမျှင်ကို

ဆွဲလုသွားတတ်တဲ့လူမျိုးတွေလား

အဲဒါဆိုရင်တော့ .....ဟိုးခပ်ဝေးဝေးမှာသွားနေ

ညနေမမှောင်ခင် မှော်ဆရာတွေ

ရွတ်ဖတ်ကြတော့မှာ

အဲဒီအခါကျမှ .....မင်းတို့ပါးစပ်တွေထဲက

ကောက်လှိုင်းစည်းတွေ  ....အထွေးလိုက်ထွက်ကျလာလိမ့်မယ်

တကယ်တော့ တစ်ထွာသာသာ 

ဟိုအဟွာလေး(၀မ်းဗိုက်)အတွက်.....အဲဒီကောင်ရိုးတမျှင်လောက်တော့

ချန်ခဲ့ဖို့ကောင်းတာ....

ဆက်လည်းမပြောချင်တော့ပါဘူးကွယ်

တကယ်ဆိုငါကလည်း.....ဆေးစက်တွေကျရာနောက်ကို

အရုပ်လိုက်ရေးနေရတဲ့.......

ဧည့်သည်တစ်ယောက်ပေ့ါ......။

ချစ်သူသို့

ချစ်သူရေ
စိတ်ချထားလိုက်ပါကွယ်
ငါက မင်းရင်ခွင်တစ်ခုသာ ငါဘ၀ရဲ့
အဆုံးသတ်ပန်းတိုင်လို့သတ်မှတ်ထားသူပေါ့
ငါက ဘယ်လိုတွန်းတိုက်မှုမျိုးနဲ့မှ
ယိုင်နဲ့မသွားတဲ့ကျောက်ရုပ်တစ်ရုပ်ပါ
ဒါပေမယ့်
မင်းတော့ အသက်ပြင်းပြင်းလေးတောင်မရှူလိုက်ပါနဲ့ကွယ်
ငါ အစိတ်စိတ်အမွှာမွှာကြေမွသွားလိမ့်မယ်
ချစ်သူရေ
စိတ်ချထားလိုက်ပါကွယ်
မင်းလက်ဖ၀ါးလေးတစ်ခုသာ ငါမြဲမြံစွာတွဲဖို့စိတ်ကူးထားသူပါ
ဘယ်လိုအချိန်အခါမျိုးမှာပဲဖြစ်ဖြစ်
ဘာကိုမှ တွဲသွာဖို့ မဖြစ်နိုင်ပါဘူးကွာ
မင်းလက်ဖ၀ါးလေးတစ်ခုကသာငါ့ကို
အားအင်တွေးပေးစွမ်းနိုင်မှာ.......။

တသက်စာ ဝေးကွာခြင်း

မနက်ဖြန်ဆိုရင်ပဲသူက
ဘ၀အသစ်တစ်ခုမှာ နှလုံးသားအသစ်တစ်ခုနဲ့
ပျော်နေတော့မှာ.........
အလွမ်းတွေငွေ့ရည်ဖွဲ့နေတဲ့ကောင်းကင်ကို
ငါက ဘယ်လိုရင်ဘတ်မျိုးနဲ့ရွာချပေးရမလဲ
ငါမရှိသင့်တော့တဲ့ အချိန်မှာ
လှည့်ထွက်ခဲ့ခြင်းဟာ အကောင်းဆုံးဖြစ်မှာပါ.......
ငါ့ဘ၀က 
မင်းလိုချင်တဲ့ဒင်္ဂါးပြားတွေမသီးဘူး....ချစ်သူရေ
မင်းထားသွားတော့မယ့်သူ   ဖြေသာအောင်
ခဏလောက်ဖြစ်ဖြစ် ဟန်ဆောင်ပြီးငိုပြခဲ့ပါလား.....
အခုတော့.....
သုညတွေသီးတဲ့ ဗလာလူရဲ့ရင်ထဲမှာ 
မိုးတွေ ခပ်ဖွဲဖွဲ ကျလို့ပေါ့.........

ရွှေရောင်အလင်း

ငါတို့ရဲ့ရွှေရောင်တဖျတ်ဖျတ် တောက်ပတော့မယ့်
ကောင်းကင်သစ်ကို
ဘယ်သူကတားလို့ရနိုင်ပါဦးမလဲ
သင်္ဃန်းတွေ သွေးစွန်းပြီးချိန်မှအစပြုလို့
ငါတို့ကောင်းကင်မှာအလင်းတစ
ထွန်းလင်းခဲ့ပြီ....။
ကဲ..
အမြင့်ပျံငှက်အပေါင်းတို့ရေ
ငါတို့တွေပျံရင်းနဲ့သေ
သေနေရင်းနဲ့ပဲ ရှေ့ဆက်ပျံကြမယ်........
အရုဏ်တက်တော့မယ့်မနက်မှာ
ယာခင်းတွေ
 ပြန်လည်းစိမ်းလန်းတော့မယ်
လှုပ်နှိုးလို့မရတဲ့ မြေစိုင်မြေခဲတချို့ကိုထားခဲ့
ပင်လယ်ကို ငန်တယ်ဆိုယုံလေးစိုက်ပျိုးလို့
ငါတို့တွေပန်းတိုင်ရောက်အောင်ပျံကြမယ်
မလိုက်ရဲရင်တော့ ချန်နေရစ်ပေါ့.....။

အလိုက်တသိ

ကောင်မလေးရေ
မင်းဘ၀လေးကိုပိုမိုတောက်ပလာစေဖို့အတွက်
မင်းလေးကို sign out လုပ်ခဲ့ပြီ
စိမ်းတစ်ခါ နီတလှည့်နဲ့
ငါလိုကောင်က မင်း account ထဲကလူတွေလောက်
connection မကောင်းခဲ့ပါဘူး
ငါကမင်းဘ၀အတွက် offline ဖြစ်နေတဲ့
ခပ်ညံ့ညံ့ account တစ်ခုပါ..
အဲဒီတော့ block လုပ်မခံရခင်
ငါကိုယ်တိုင်ပဲအလိုက်တသိနဲ့
sign out လုပ်ခဲ့ပြီ...
မင်းဘ၀လေး အမြဲတမ်း  available ဖြစ်ပါစေ....။